ਕਿਤਾਬ ‘ਇਨਕਲਾਬੀ ਦਰਸ਼ਨ’ ਪੜ੍ਹਦਿਆਂ – ਵਰਿੰਦਰ

ਇਸ ਕਿਤਾਬ ਦਾ ਮੂਲ-ਤੱਤ ਇੱਕ ਐਕਸ਼ਨ ਹੈ । ਜਿਸ ਦਾ ਮੰਤਵ ਸਿਰਫ ਪ੍ਰਤੀਕਿਰਿਆਵਾਦੀ ਨਾ ਰਹਿ ਕੇ ਮਨੁੱਖ ਦੁਆਰਾ ਭਵਿੱਖ ਵਿੱਚ ਦਖਲ-ਅੰਦਾਜੀ ਅਤੇ ਭਵਿੱਖ ਨੂੰ ਬਦਲ ਦੇਣ ਦੀ ਯੋਜਨਾ ਦੀ ਹਾਮੀ ਭਰਦੀ ਹੈ, ਭਵਿੱਖ ਵਿੱਚ ਦਖਲ-ਅੰਦਾਜੀ ਅਤੇ ਭਵਿੱਖ ਨੂੰ ਬਦਲ ਲੈਣ ਦਾ ਭਾਵ ਕਿਸੇ ‘ਗੈਰ-ਵਿਗਿਆਨਕ’ ਢੰਗ ਦੁਆਰਾ ਕਲਪੀ ਟਾਇਮ ਮਸ਼ੀਨ ਦੀ ਸਹਾਇਤਾ ਨਾਲ ਭਵਿੱਖ ਦੀ ਯਾਤਰਾ ਕਰਕੇ ਬਦਲਣ ਤੋਂ ਨਹੀਂ ਸਗੋਂ ਵਰਤਮਾਨ ਪਦਾਰਥਕ ਹਾਲਤਾਂ ਨੂੰ ਬਦਲ ਕੇ ਵਿਰੋਧ-ਵਿਕਾਸੀ ਢੰਗ ਨਾਲ ਭਵਿੱਖ ਵਿੱਚ ਵਾਪਰਨ ਵਾਲੇ ਵਰਤਾਰਿਆਂ ਨੂੰ ਆਪਣੇ ਨਿਯੰਤਰਣ ‘ਚ ਕਰ ਲੈਣਾ ਹੈ। ਲੇਖਕ, ‘ਮਹਾਨ ਕਾਰਲ ਮਾਰਕਸ’ ਦੇ ਇਨਕਲਾਬੀ ਦਰਸ਼ਨ ਭਾਵ ‘ਪਦਾਰਥਵਾਦ ‘ਵਿਰੋਧ-ਵਿਕਾਸੀ’ ਦੇ ਮੂਲ-ਤੱਤ ਬਾਰੇ ਗੱਲ ਕਰਦਿਆਂ ਲਿਖਦਾ ਹੈ ਕਿ “ਮਾਰਕਸ ਤੋਂ ਪਹਿਲੇ ਦਰਸ਼ਨ ਦੀ ਇਕਹਿਰੀ ਖੂਬੀ ਸੰਸਾਰ ਦਿਰਸ਼ਟੀਕੋਣ ਹੈ, ਮਾਰਕਸ ਦੇ ‘ਇਨਕਲਾਬੀ ਦਰਸ਼ਨ’ ਪਦਾਰਥਵਾਦ ਵਿਰੋਧਵਿਕਾਸੀ ਦੀ ਦੋਹਰੀ ਖੂਬੀ ‘ਸੰਸਾਰ ਦਿਰਸਟੀਕੌਣ ਅਤੇ ਬਦਲਾਓ ਦਾ ਸਿਧਾਂਤ’ ਹੈ।